![]() |
| Васко МАРКОВСКИ |
Како лојален граѓанин, веднаш се подготвив, тазе избричен, за да излезам уредно пред образот на државата. Патем, само ги прашав полицајците дали можам да дојдам на суд со својот автомобил, за да можам поскоро да стигнам на работа откако ќе заврши тоа за што ме бара државата, но, не можело - таква била процедурата. Со извештачена љубезност ме замолија да побрзам, зашто имале и други луѓе за земање, како што ми рекоа и кога ги прашав зошто дошле по мене во 6.30 ако треба да се појавам на суд во 9 часот, а други луѓе не видов.
Ја оставив жена ми да се снаоѓа како ќе го однесе детето во градинка додека мене ме нема во непознат правец и влегов во полициската „лада нива“. Додека мрзнев на столче покрај отворена врата во полициската станица „Аеродром“, имав доволно време да си ги претурам мислите, да се обидам да дознам зошто сум таму, зошто од дома ме земаат двајца полицајци, во полициски автомобил, пред соседите што одат на работа.
Не паметам дека нешто некому сум скривил, дека сум направил нешто спротивно на законите, дека сум бил очевидец на некоја незгода, кражба - што и да е. Немам идеја. Поштенското сандаче го проверувам на два дена, главно за да проверам кои сметки ми дошле за плаќање, но никогаш меѓу нив немало покана за на суд. Колку што знам, никој не ме тужел за нешто што сум напишал како новинар.
Кај да е, за саат, саат и пол ќе разберам - си реков додека се занимавав, читајќи го текстот за личните имиња во православното календарче што ми се најде в џеб. Патем, имав и интересни моменти. На пример, да видам како со забрзан чекор влегува млада полицајка, со кабаетлиски израз на лицето, зашто задоцнила пет минути на работа, да прочитам како треба да пополниш формулари за пријавување странци и врз кои начела е составен полицискиот кодекс на Македонија.
И, некако, дојде часот. Се качивме во „нивата“ и стигнавме во „Скопје 2“. Судијата тој и тој ме повикал како сведок, за велосипедот што ми го украдоа минатото лето, демек, неколку пати ми пратиле покани, но не сум се јавил.
Ајлија, би рекол дедо ми, Бог да го прости. Прашав кога ги пратиле и зошто не сум ги добил - по што се „испостави“ дека полицајците не го запишале бројот на влезот и бројот на станот кога сум ја пријавил кражбата, па, затоа можеби залутале поканите.
Кешке барем некој да го беше наклеветил Јозефа К. Барем ќе знаеше зошто му се случува процесот. А од „точакот“ - кренав раце. Не сакам нова епизода стражарно приведување. Кешке да го немав.
http://www.spic.com.mk/DesktopDefault.aspx?tabindex=1&tabid=1&EditionID=246&ArticleID=11428

4 comments:
sefe breee, a da te privedea nekoi tetki policajki slucajov ke zemse poinakov tek:)) Lol, se zafrkavam malku, me znaes:))
brat dedo mi sekogas mi vikase ako ti ukradat ne go baraj ukradenoto tuku ukradi si drugo :))
Неодамна, на паркингот пред зграда, ми ја украдоа и колата. Три-четири месеца ги прашувам полицајците до каде е работата и секогаш го добивам истиот одговор - работиме. Пред некој ден ги прашав дали тоа значи дека и јас би можел да си украдам кола, штом толку време им треба да ги откријат крадците - ми рекоа, тоа си е ваш избор. Можеби е во право дедото на anonimous (2), но треба и скроен да бидеш за тоа. Не знам да крадам, тоа ти е.
inache mene mi go imaaat istovo napraeno na 31vi dekemvri imam, imam prijatel advokat koj uspea da ja najde sudikata(vo kafana na proslava) za sluchajot kaj sho sum svedok pa taa da im kaze na policajcite deka ne mora da me priveduvaat.inaku ako me privedea ke si pocekav nekolku denau pritvor a jas svedok,neli nova godina ti rekov mi reche
Post a Comment